Fuglfirðingur uppkallaður eftir Margretu drotning og Heindriki prinsi

14-01-2022

Tað er ikki so, at eg reypi mær av tí, men haldi tó, hetta er ein stuttlig søga, sigur fuglfirðingurin, sum seinastu 12 árini hevur búð á Malta

Tað komst av tí, at eg var sjeyndi drongur á rað í systkinaflokkinum, greiðir Henry Margeir Petersen frá.

Hann veit ikki um nakran annan, ið er navngivin eftir teimum báðum.

Tvær ferðir hevur hann handað drotningini rósur. Fyrru ferð var á Kambsdali, tá galladøgurði var har. Tá var Henry sjey ára gamal.

Seinnu ferð var á sumri í fjør, tá drotningin vitjaði í Fuglafirði.

- Eg eri ikki serliga royalur sjálvur, men hetta er nokkso stuttligt, sigur fryntligi fuglfirðingurin.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)