- Tíðindi, mentan og ítróttur
Góðan morgun Føroyar
Aftur í ár fer føroyska súkkluliðið Team Rynkeby at súkkla til París í summar.
Men sum nakað nýtt fara átta súkklarar at vera við einum øðrum liði, tá leiðin gongur til París. Talan er um eitt sokallað alpulið.
Millum teir átta føroysku súkklararnar, sum er við á serliga liðnum, eru Regin Jacobsen og Sigrun Danielsen, sum fýra ferðir áður hava súkkla til París.
- Hetta er eitt lið, sum telur eini 40-50 súkklarar úr Danmark, og teirra millum eru so átta føroyingar. Vit hava tað í felag, at vit hava súkklað vanliga teinin fleiri ferðir, og tí royna vit hesa avbjóðingina, sigur Regin Jacobsen.
Vanliga er teinurin til París beint oman fyri 1200 kilometrar til longdar, men ístaðin fyri allar hesar kilometrarnar skulu tey bæði, Regin og Sigrun, hesaferð súkkla færri kilometrar men fleiri hæddarmetrar.
Í morgunsendingini fortelja tey bæði um alpuliðið og áhugan fyri súkkling.