Endiliga sleppa tey at syngja aftur

29-04-2022

Trý ár eru liðin, síðan kórfestivalur seinast varð hildin, og um vikuskifti hittast fleiri hundrað kórsangarar í Norðurlandahúsinum.

Eingin ivi er um, at koronatíðin er farin illa við kórsanginum, tí júst hetta ítriv hevur ligið meira ella minni stilt í tvey ár. Tað er Leif Hansen, nevndarlimur í kórsambandi Føroya, sannførdur um.

- Fleiri eru allarhelst farin undir at gera okkurt annað í staðin, og støðið sum heild kann vera lækkað, tí fólk ikki eru sloppin at syngja saman. Men hetta avspeglar tíbetur ikki luttøkuna til kórfestivalin, tí 12 kór hava boðað frá, at tey koma við.

Umframt at vera kórstevna við felagsvenjingum, felagskóri og konsert, so er festivalurin eisini skipaður sum ein kapping, har tríggjar virðislønir verða lætnar, umframt at áhoyrararnir sleppa at lata eina virðisløn til tað kór, teimum dámar best.

Konsertin verður í Norðurlandahúsinum leygardagin kl 16.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)