- Tíðindi, mentan og ítróttur
Góðan morgun Føroyar
Tað eru ikki øll, ið hava møguleika fyri at velta sítt egna grønmeti, men tey eru nokk fleiri sum hava hug. Tað metir Marita Øre, sum er gartnari og sum arbeiðir á teknisku deild hjá kommununi í Fuglafirði.
Hon er ein av teimum, sum hava arbeitt við hugskotinum um at geva fólki eitt lítið øki, sum tey kunnu brúka til at velta epli, grønmeti, rabarbur ella okkurt heilt annað.
- Vit hava góða jørð og góðan sólargang í Fuglafirði, og so eru vit eisini á grønu leiðini sum so nógv onnur, so tað hevði verið upplagt at givið fólki møguleika at fáa sítt egna burturúr heldur hon.
Men fyrst verður tørvur og hugur kannaður. Millum annað verður spurt, hvussu stórt stykki fólk ímynda sær, at tey kundu havt brúk fyri.
- Eitt av endamálunum er eisini tað sosiala í tí, har kunnu spyrja hvønn annan til ráðs, og fara fleiri ættarlið saman um ein lítlan grønan blett, sigur Marita Øre.