- Tíðindi, mentan og ítróttur
Góðan morgun Føroyar
Tað var í februar síðsta ár, at rovarin Perseverance lendi á gongustjørnuni Mars, har hann skuldi kanna, um tað einaferð í fyrndini hevur verið lív.
Rúmdarbilurin varð settur av í Jezerogosholinum, har mett verður, at tað einaferð í fyrndini hevur verið eitt stórt vatn.
Tá ið fyrstu myndirnar komu frá rovarnum, vísti tær eitt øki, sum minti rættliga nógv um økir her á jørðini, har tað einaferð hevur verið eitt vatn og har legugrýti hevur lagt seg á botnin. Tí vóru astrojarðfrøðingarnir sannførdir um, at rovarin var lendir mitt í einum ósa.
Men so fóru tey at skanna økið við PIXL skanningatólinum, og tey úrslitini vísti nakað heilt annað.
Hoyr Dávid Arge Klevang Petersen greiða frá, hvussu tað hevur gingið á Mars tað seinasta árið og hvussu hetta tólið, PIXL, sum hann hevur verið við til at ment, hevur vent alt á høvdið á Mars.
Lurta eftir sendingini um Mars og Perseverance
Hoyr, tá ið tey tóku tær fyrstu kjarnuroyndirnar á Mars
Hetta fjallið vóru jarðfrøðingar sannførdir um, var bygt upp á legugrýti, sum hevur lagt seg í løgum. Men so er ikki. PIXL vísir nakað annað. (Mynd: NASA/JPL-CALTECH/ASU)
Minnir um ein vanliga hamara, sum sæst í fjøllunum her í Føroyum. Skanningar frá PIXL vísa, at fjallið er úr basalt, eins og her í Føroyum (Mynd: NASA/JPL-CALTECH/ASU)
PIXL, skanningartólið, er fest í endan av robotarminum á Perseverance. (Mynd: NASA/JPL-CALTECH/ASU)
Nærmynd av PIXL, skanningartólinum, sum David Arge Klevang Petersen hevur verið við til at ment (NASA/JPL-CALTECH/ASU)
Soleiðis verður ímynda, at Jezero gosholið einaferð í fyrndini hevur sæð út. Ein á hevur runnið í vatnið og ein á hevur runnið úr vatninum.
Fylgisveinamyndir vísa tíðiliga farvegin eftir ánni, sum einaferð hevur runnið inn í tað stóra vatnið. Tað er í ósanum, at mett verður, at tað einaferð hava verið líkindi fyri, at lív hevur trivist (NASA/JPL-CALTECH/ASU)
Fylgisveinamynd, har tað sæst, at vatn einaferð hevur runnið (Mynd: NASA/JPL-CALTECH/ASU)