- Tíðindi, mentan og ítróttur
Góðan morgun Føroyar
- Hvønn dag skulu øll fólk í Bejing kannast fyri Covid-19, sigur Sigmund.
Hetta er galdandi fyri øll fólk eldri enn 3 ár og talan er um yvir 20 milliónir fólk, sum hvønn dagin sum skulu taka ein PCR test.
Skalt tú út at keypa ella bara ein túr í býin, so mást tú hava eina PCR test sum ikki er eldri enn 24 tímar. (Mynd: Global Media)
Sigmund sigur, at í mun til stórbýin Shanghai, har øll fólk hava fingið forboð at ganga út, hava tey ikki givið somu boð í Beijing, men heldur læst teir býarpartar har smittan ger um seg.
- Tað vóru einans 53 staðfest smittað seinasta samdøgnið, sigur Sigmund, men Kina hevur eina sera stranga nullhugsjón í samband við Covid-19.
Boðini frá landsins leiðslu eru, at onki Covid-19 skal verða í landinum.
Í Beijing eru handlar, matstovur og skúlar stongdir, meðan matvøruhandlar enn hava opið.
- Vit hava keypt eina frystuboks, um tað skuldi hent, at øll vóru biðum um at halda seg heima og fingu forboð at fara út, so hava vit mat til 2-3 vikur, sigur Sigmund Isfeld, føroyski sendimaðurin í Beijing.
Lurta eftir samrøðuni við Sigmund Isfeld.
Sigmundur Isfeld, føroyski sendimaðurin í Kina, greiddi frá støðuni í Beijing í sendingini Góðan Morgun Føroyar (Mynd: KvF.fo)