Marius Ziska varpar ljós á ekkokamarið

06-05-2022

Sangurin er partur av komandi útgávuni, sum ætlandi kemur á marknaðin í heyst

Hóast Hans Marius Ziska nú varpar ljós á ekkokamarið í sínum tónleiki, sær hann ikki seg sjálvan sum ein protestsangara.

Tað er Hans Jacob Kollslíð, sum hevur skrivað tekstin, men tað verður gjørt í samráð við Hans Marius, sum altíð vil kunna taka undir við tí, sum sungið verður um.

Næsta ár eru 40 ár síðan Føroya Symfoniorekstur varð stovnað. Tá fer konsertskráin hjá Føroya Symfoniorkestri at bera brá av fagnaði.

Byrjað verður í januar við nýggjárskonsertini og í februar fer ein heilt serlig verkætlan av bakkastokki.

Í drúgva tíð hava Føroya Symfoniorkestur og Hans Marius Ziska arbeitt við verkætlanini Floymandi nærvera og hjartarúm.

Atli K. Petersen, Magnus Johannesen og Tróndur Bogason útseta tónleikin fyri symfoniorkestur.

Tað eru longu eisini tvey ár síðani, at Hans Marius fekk fyrispurnignin. Hetta er ein stór álitisváttan, sigur Hans Marius Ziska, sum gleðir seg ógvuliga nógv til konsertina.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)