Góðan morgun Føroyar

Leyst lív, blóð, pína, krampar og luft í maganum
11-05-2022
Colitis Crohn Felagið vil við nýggum lýsingarátakið bróta tøgnina um tarmsjúkur

Leyst lív, blóð, pína, krampar og luft í maganum eru nøkur av sjúkueyðkennunum, sum man stríðist við, tá ið man hevur tarmsjúku. Tó eru fá tarmsjúk, ið tosa um tað, og nógv velja at stríðast í stillum og fara ikki til lækna.

Hetta ætlar Colitis Crohn Felagið at broyta, tí øll hava uppiborðið at fáa tað hjálp sum ber til, so at støðan kann gerast so góð sum gjørligt.

 

Yvir 1000 føroyingar hava tarmsjúku

Colitis Crohn Felagið er felag hjá tarmsjúkum, avvarðandi og øðrum áhugaðum. Føroyingar hava tíverri heimsmet í tarmsjúkum. Yvir 1.000 fólk í Føroyum hava staðfest tarmsjúku, men talið er óivað hægri. Sum sagt eru nógv, sum hava sjúkueyðkenni, men ikki tora at tosa um sjúkuna, ei heldur at fara til lækna.

 

Lýsingarnar kunnu skaka

Felagið er framleitt nakrar lýsingarfilmar og vóna tey í felaginum, at sjálvt um filmarnir kunnu skaka onkran, sum heldur, at tílíkt ikki er hóskandi, er endamálið, at ein leggur merki til filmarnar, og óhepnu støðurnar ein kann koma í, tá ein hevur tarmsjúku.

 

Mugu oftani á ves

Tarmsjúk eru ofta á ves, og tað kann ikki bíða, tí velja tey ofta støð frá, sum ikki hava ves. Megd hevur varpað nógv ljós á atkomuligheit, men hjá tarmsjúkum, snýr tað seg um ves, og enn eru tíverri nógvir handlar í Føroyum, sum ikki hava almenn ves. Tað er eisini onkur venjingarmiðstøð, sum ikki hevur ves, og á nógvum almennum støðum, har tiltøk eru, eru alt ov fá ves, so her kann støðan gerast betri.

Umframt at hjálpa uppá hetta, vónar felagið,við lýsingarátakinum, at bróta tabu, at fáa fólk at tosa um tarmsjúkur, og at fara til læknan at søkja sær hjálp. 

Lurta eftir samrøðuni við Lindu Kølleskov og Kristinu Viderø, umboð fyri Colitis Crohn Felagið. 

Kelda: Colitis Crohn Felagið

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.   Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)
Veðrið, kappróður, Reyði Krossur í Bangladesj, Red Dot til Drinksaver
28-05-2024
Hoyr alla sendingina
28-05-2024
Hoyr alla sendingina
24-05-2024
Veðrið, heilsuverkið, Taylor Swift, diamantbrúdleyp
23-05-2024
OL rógving, veðrið, føroyingar og Russland, verkfall, børn, ung og rúsdrekka
22-05-2024
Hoyr alla sendingina
21-05-2024
Spurningar, ið verða viðgjørdir á Íróttatinginum, eru eitt nú hví fleiri gentur enn dreingir gevast at venja í tannárunum
21-05-2024
Veðrið, kapping, Glymur, bygdarsavn í Kvívík
17-05-2024
Veðrið, dagstovnar, fuglasending, skúla OL
16-05-2024
Veðrið, svimjihøllin og kommunulæknin um ovurviðkvæmi
15-05-2024
Veðrið, verkfall og skógvar til føroysk klæðir
14-05-2024
Veðrið, Sigrið Sivertsen og herðaklappið, parkeringsbásar til avlamin
13-05-2024