Seinastu tíðina hevur nógv verið at hoyrt í donskum miðlum um harðskap, háðan og happing á kenda kostskúlanum, Herlufsholm.

Skúlin, sum hevur 457 ár á baki, hevur í nógv nógv ár staðið nærum sum ein halgimynd í Danmark. Fleiri kend vinnulívsfólk og ein stórur partur av teimum kongaligu hava gingið á skúlanum.

Men myndin av kostskúlanum er nú broytt. Í einum sjónvarpsdokumentari, sum danska TV2 hevur gjørt, kemur fram, at ógvuslig happing, háðan og harðskapur hava í nógv ár verið partur av mentanini á kenda kostskúlaum.

Nakrir fáir føroyingar hava eisini gingið á skúlanum. Ein teirra er Ólavur Winther úr Vestmanna. Frá 1970 til 1973 hevði Ólavur Winther sína dagligu gongd á Herlufsholm.

Hóast Ólavur ikki kennir til hvørki happing ella harðskap frá tíðini, hann gekk á skúlanum, er eingin ivi um, at talan er um ein heilt serligan skúla við eini heilt serstakari mentan.

Í morgunsendingini greiðir Ólavur Winther frá tíðini á kenda danska kostskúlanum.