- Tú kanst samanbera tað við, at tú fert í eitt atelier, har tú sært fólk sita og mála. Hetta er list 'in the making' sigur Karin Leyvudóttir, sum er ein av fyrireikarunum av Tattfest, tatoveringsfestivalinum, sum verður í Norðurlandahúsinum um vikuskiftið.
Um tú ert forvitin og vilt síggja, meðan tatoverað verður, so ber hetta til, tí í skálanum í Norðurlandahúsinum sita tatovørarnir lið um lið og tatovera.

Ein av teimum, sum fer í arbeiðshandskarnar er Majbritt Petersen, sum eigur og rekur tatoveringstovuna Tattoo Ole í Keypmannahavn. Umframt at hon fer at tatovera, so fer hon eisini at hava ein fyrilestur um sjómanstatoveringar.

- Vit hava eina langa siðvenju við tatoveringum í Norðurlondum, har sjómenn hava verið leingi á sjónum, og ikki vitað nær og um teir mundu koma heim aftur. Tí hava teir havt brúk fyri onkrum at hyggja at, sigur Majbritt Petersen.

Meira fæst at vita um Tattfest við at trýsta her