Tá náttúran er sálarbót

31-05-2022

- At ganga einsamallur í náttúruni er sum balsam fyri sálina, sigur Jens Jákup Hansen, sum einans hevur tjald, ryggsekk og upptøkutól við á sínum drúgvu túrum í Føroyum.

- Ikki at hugsa um hvørki klokku, arbeiðið ella sosialar miðlar og bara ganga úti í fjøllunum er sum balsam fyri sálina.

Orðini eigur Jens Jákup Hansen.

Javnan ger hann túrar úti í náttúruni, har hann bert hevur tað mest neyðturviliga við sær: Eitt tjald, ein ryggsekk og aloftast eisini eitt upptøkutól.

Og túrarnar dokumentarar Jens Jákup Hansen og leggur út á sín Facebookvanga, soleiðis at onnur eisini kunnu fáa gleði av hansara túrum úti í náttúruni.

Í morgunsendingini greiðir Jens Jákup Hansen frá, hvussu gott tað er fyri seg at gera slíkar túrar, og hvat hann fær burturúr.

Síggj video her.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500