Lata upp barsils-kafé í Havn

08-06-2022

- Hetta verður eitt stað, har tú hittir onnur foreldur, sum eru í somu støðu, siga Jeannett Djurhuus og Rannvá Patursson.

Eitt kaffihús til tey foreldrini, sum eru í barsli.

- Eg havi búð í Danmark í 10 ár, og tær báðar ferðirnar, eg havi verið í barsli, havi eg brúkt sokallaðu barsils-kaféirnar sera nógv. Og eingin tílík er í Føroyum.

Soleiðis sigur Jeannett Djurhuus, sum saman við Rannvá Patursson seinni í summar letur upp ta fyrstu barsils-kaféina av sínum slagi í Tórshavn.

- Hetta verður eitt stað, har børnini kunnu spæla á gólvinum, tað verða góðar umstøður at geva børnunum at eta og skifta teimum, sigur Rannvá Patursson.

Í morgunsendingini greiða tær báðar frá hugskotinum at lata upp eina barsils-kafé.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)