Hann kom, hann sá og hann sigraði, kanní stuttum sigast um ferðina hjá Trøllabeiggja í Mumbai, har filmurin, leikstjórin og ein av høvuðsleikarunum tóku lut í Mumbai Interational Film Festival 2022.

Trøllabeiggi vann virðislønina fyri besta stuttfilm, og sjálvt um tað als ikki er fyrsta virðislønin, sum filmurin hevur vunnið, so var hetta ein av teimum heilt góðu, heldur Gudmund Helmsdal, leikstjóri.

- Tað var fantastiskt, tí hetta er so stórt har yviri, og festivalurin er ein av teimum størstu í heiminum, tá tað snýr seg um stuttlfilmar.

Filmurin hevur verið vístur á 104 festivalum og virðislønirnar fara at tátta í tær hundrað eftir hondini, og fleiri teirra hevur Nicolaj Falck vunnið fyri sín sjónleik.

- Eg kann ikki siga annað, enn at tað hevur gjørt meg sera sjónligan, og eg havi tosað við nógv fólk, sum hava víst mær áhuga, sigur Nicolaj og vónar, at okkurt ítøkiligt stendst burturúr.

Eisini leikstjórin merkir týðiliga ágóðan av at filmurin er kendur nógvastaðni, og hann hevur eisini fingið tilboð um samstarv úr ymsum ættum, sum hann uttan iva kann nýta gott av í sínari nýggju verætlan, sum hann tó ikki vil siga ov nógv um enn.

Men nær fáa føroyingar so aftur møguleika at síggja Trøllabeiggja?

- Hann skal síggjast í biografinum, tí tað er tað hann er gjørdur til, og um áhugin er til staðar, so vísa vit hann sjálvandi, sigur Gudmund við einum brosi.