- Tíðindi, mentan og ítróttur
Góðan morgun Føroyar
- Einaferð hevði onkur ritað grafitti á skansan, men annars haldi eg ikki, at tað hevur verið nakað nevnivert av tílíkum, sigur Helgi Michelsen, sum er savnsvørður á fornfrøðideildini hjá Fornminnissavninum.
Annars var onkur, ið bar ótta fyri, at ein steinur, ið myndaði høvdið á Ólavi kongi, varð stolin úr múrinum í Kirkjubø, men tað vísti seg, at høvdið var brotnað av, og var í tryggum hondum á Tjóðsavninum.
- Fòlk eru røsk at siga okkum frá um tey síggja okkurt. Eisini tey, ið nýta metaldetektorar og finna ymiskar gripir, siga okkum frá, so vit kunnu meta um lutirnar. Tíbetur eru tey flestu av hesum amatørarkeologar, so tey hava áhuga í at verja varveita tað, tey finna.
Helgi Michelsen sigur víðari, at fólk síggja fornminni í nærumhvørvinum sum ein part av sínum samleika, sum tey tí fara væl um.
Her ber til at síggja eina 3D mynd av høvdinum, gjørd við nýggju tøknini, sum Tjóðsavnið nýtir til steinarnar úr múrinum í Kirkjubø