- Tíðindi, mentan og ítróttur
Góðan morgun Føroyar
- Eg haldi, at tey, sum skriva inn, ofta ikki vita, hvønn tey kunu tosa við, ella kanska vita tey ikki, hvussu tey skulu tosa um ting, sum eru flóvislig ella trupul, sigur Annika Dalsgaard, sum er ein av vertunum á Gentuvesinum.
Hálvtrýss partar eru gjørdir av sendingini, sum nú fer í summarfrí, men vertirnir lova, at tær vera aftur eftir frítíðina.
Tað heila byrjaði á ungdómspallinum Biit, men tá Gentuvesið fekk pláss í útvarpsskránni í summarfrítíðini, gjørdist pallurin brádliga nógv størri.
- Tá vit fluttu yvir í útvarpið, gjørdust vit meira tilvitaðar um, hvat vit søgdu, tí nú vóru vit brádliga inni í stovuni ella í bilinum hjá fólki, uttan at tey aktivt høvdu valt okkum til, sum man annars ger, tá mann vil hoyra poddvarp, sigur Rannvør Fríða Eyðunsdóttir.
Um medvertirnar, sum eru skiftandi, siga tær, at hesi eru við fyri at fáa onnur sjónarhorn við eisini, sum gjarna mugu vera øðrvísi enn teirra egnu.
- Oftast lata vit tey um at geva ráð, men um okkurt er, sum vit halda manglar, so siga vit eisini okkara hugsan, leggja tær afturat.