SIC takkar fyri seg

20-06-2022

Á seinastu konsertini hjá tungmálmsbólkinum SIC fer sonur Mikkjal Gaard Hansen, sála, at syngja.

Tá G! Festivalurin verður um hálvan juli, fer tungmálmsbólkurin SIC at hava sína seinastu framførslu nakrantíð.

Framførslan verður serstøk, tí tá fer Bartal Simonsen, sonur oddamannin í SIC, Mikkjal Gaard Hansen, sála, at syngja.

- Tað er spennandi at skula hava hesa konsertina, men samstundis eisini sera rørandi, sigur Eddi Jacobsen, sum stovnaði bólkin í 2002.

Í næstum fara limirnir í bólkinum av álvara í gongd við at venja til framførsluna, sum verður hóskvøldið á G! Festivalinum.

- Seinastu tíðina havi eg lurtað nógv eftir sangunum og hugt eftir videoupptøkum, og nú gleði eg meg nógv til at fara á pallin, sigur Bartal Simonsen.

Í morgunsendingini fortelja Magnus Elisson, Eddi Jacobsen og Bartal Simonsen um hesa seinastu konsertina.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)