- Tíðindi, mentan og ítróttur
Góðan morgun Føroyar
Í februar í ár hevði Jóhan í Niðristovu, flogskipari, arbeitt hjá Atlantsflogi í 30 ár.
Trý áratíggju við nógvum hendingum og broytingum eru flogin framvið, síðan fyrsta flogtúrin við einum flogfari hjá Atlantsflogi.
Umframt at vera flogskipari var Jóhan í Niðristovu eisini flogovasti í eina tíð, hann hevur sitið í nevndini hjá Vága Floghavn í 12 ár og hann hevði ein stóran leiklut, tá ið Atlantsflog skifti flogtýpu í 2012.
Jóhan í Niðristovu var leiðari, tá ið vanlukkan í Stord hendi, hann yvirlivdi uppsagnirnar í sambandi við koronufarsóttina, sum rakti alla flogvinnuna meint og hann flýgur enn fyri Atlantsflog - um enn munandi færri túrar enn at byrja við.
Hoyr Jóhan greiða frá minniligum flogferðum, vanlukkudegnum í oktober 2006, tá ið vanlukkan í Stord hendi, frá skiftinum millum BA flogførini til Airbussarnar og hvussu koronufarsóttin hevur ávirkað flogvinnuna.