40 útlendsk starvsfólk terpa føroyskt á Hafnia

24-06-2022

- Tað er okkara samfelagsskylda, sigur leiðslan fyri samtakið handan Hotel Hafnia og Hotel Brandan, sum undirvísir útlendsku starvsfólkunum í føroyskum máli og mentan.

Tørvur er á arbeiðsmegi í hesum døgum - eisini í hotellvinnuni.

Samtakið handan Hotel Hafnia og Hotel Brandan hevur tí leitað sær út um landoddarnar at fáa fatur á arbeiðsmegi.

Seinastu tríggjar mánaðirnar eru omanfyri 40 útlendingar komnir til Føroya at starvast á hotellunum í summarhálvuni.

Í eini roynd at læra útlendsku starvsfólkini eitt vet av føroyskum máli og mentan heitti samtakið í vár á parið Oddvá og Niels Nattestad at undirvísa teimum aðru hvørja viku.

Vit vóru til staðar fyri í vikuni, tá Oddvá Nattestad terpaði føroysku bókstavirnar og tølini saman við nøkrum útlendingum á Parnassinum á Hotell Hafnia.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)