- Tíðindi, mentan og ítróttur
Góðan morgun Føroyar
Matpakkar.
Tað munnu vera tey flestu, sum eitt styttri ella longri tíðarskeið hava etið matpakka, tá tey hava verið á dagstovni, í skúla ella til arbeiðis.
Men hvat er ein góður matpakki, er ein heimagjørdur matpakki sunnari enn ein keyptur, og hvussu kann mann gera tann siðbundna matpakkan eitt sindur meira spennandi?
Sambært Sølvá Jansdóttur Joensen, sum er yrkisbachelor í føðslu og heilsu og vanavegleiðari, skal ein góður matpakki innihalda viðskera, breyð, frukt, grønmeti, og fisk. Og gjarna eisini okkurt søtt.
- Eg haldi, at tað er umráðandi, at vit ikki tosa um mat sum sunnan ella ósunnan. Tað snýr seg í stóran mun um mongdina av tí, vit eta, sigur Sølvá Jansdóttir Joensen.
- Tí ber eisini væl til at gera ein góðan matpakka, sum umframt alt tað vanliga eisini inniheldur eina karamellu ella eitt lítið kakustykki, sigur Sølva Jansdóttir Joensen.
Í morgunsendingini gevur Sølva Jansdóttir góð ráð um heilsugóðar matpakkar til børn og vaksin.