Katrin á Borg Johannesen er útbúgvin innan sang og tónleik, og fæst millum annað við vøggusang í kirkjum, har foreldur koma við pinkubørnum og syngja og spæla ein hálvan tíma hvørja viku.
 

- Mítt mál við vøggusanginum er at styrkja relatiónir millum barn og foreldur, umframt at stimulera sansirnar hjá barninum musikalskt.

Tónleikur er við til at menna børn á ymsan hátt, bæði innan mál og kensluregulering, sigur Holgar Johannesen, maður Katrina, og heitir víðari á foreldur um ikki bert at spæla einfaldan tónleik fyri børnunum, men at bjóða teimum tónleik úr alskyns genrum.

- Tvey tey fyrstu árini arbeiðir barnaheilin við fullari ferð fyri at tulka øll tey inntrykk, hann fær, og um tú tá bert syngur einfaldar barnasangir, so er tað eitt sindur sum at tosa babymál við barnið. Gert tú bara tað, lærir barnið at tosa babymál, men tosar tú eitt ríkt mál við barnið, so lærir barnið hetta, og fær eitt stórt málfeingi. Soleiðis er tað eisini við tónleikinum. Hoyrir barnið kompleksan klassiskan tónleik ella jazz til dømis, so skapar tað eitt meira samansett tóneikaunivers, tí har er meira at taka av.