- Tíðindi, mentan og ítróttur
Góðan morgun Føroyar
Tað snýr seg um at prioritera hvønn annan í gerandisdegnum, sigur Margret Mortensen, parterapeutur.
- Um makin kemur aftast í røðini, tá ið arbeiði, børn, frítíðarítriv og vinir hava fingið sítt, so er sjálvsagt ikki nógv tíð eftir til hin partin, tí vit hava ikki meira enn 24 tímar í samdøgrinum, sigur Margret.
Avbjóðingarnar í parlagnum kunnu vera nógvar, og ofta eru tær truplar at tosa um. Vit eru ymisk og reagera ymiskt, tá ið vit kenna okkum kritiserað, og um vit ikki vita, hvussu vit skulu tosa saman, soleiðis at báðir partar kenna seg hoyrdan og virdan, kann tað lættliga fara av sporinum.
- Tað fyrsta, sum skal henda fyri at fáa eitt parlag til at rigga aftur, er, at vit mugu innsíggja, at tann einasta tú kanst broyta, er teg sjálva. Vit kunnu ikki broyta partnaran, men ofta hendir ein broyting við hinum partinum allíkavæl, sum ein avleiðing av, at vit broyta okkara egna máta at samskifta, sigur Margret Mortensen, sum var serfrøðingur hesaferð.