- Tíðindi, mentan og ítróttur
Góðan morgun Føroyar
Síðani 2007 hevur Altjóða diabetisdagur verið brúktur til at varpa ljós á diabetis, heilivág og viðgerð.
Í hesum sambandi vitja May-Britt Skoradal, forkvinna í Diabetisfelagnum, og Brynhild Thomsen, sum hevur diabetis 1, í útvarpsstovuni.
Brynhild Thomsen sigur, at tað er heilt øðrvísi at vera diabetikari í dag í mun til fyrr.
Nýggja tøknin ger. at tú støðugt fært viðkomandi upplýsingar og tøl. Men kortini fyllir sjúkan nógv. Hvønn dag skal Brynhild Thomsen taka støðu til alskyns viðurskifti, sum knýta seg at diabetis.
Báðar eru samdar um, at fólk framvegis vita ov lítið um sjúkuna. Enn kanst tú sum diabetikari fáa viðmerkingar frá fólki um eitt nú tað, ið lagt verður í innkeypskurvuna.
Í sambandi við Altjóða diabetesdagin verður tiltak á Hotel Hafnia í kvøld, mánakvøldið, klokkan 19..