Føroyska samfelagið hevur verið fyri stórum broytingum, síðani føroyski báturin var álitið, bæði til útróður og til flutning millum oyggjarnar. Vit kunnu staðfesta, at hóast føroyski báturin enn er í brúki, so hevur hann ikki megnað at kappast við glastrevja-bátarnar.

Men kann føroyski báturin førast úr aldudalinum?

Tað er stóri spurningurin, ið verður umrøddur á Tjóðsavninum í kvøld, har yvirskriftin er Føroyski báturin - bátasmíð, siðir og brúk.

Báturin komin á UNESCO listan

Í desember 2021 bleiv føroyski báturin, saman við øðrum norðurlendskum súðubygdum bátum, varð innskrivaður á UNESCO listan yvir umboðandi siðaarv hjá mannaættini. Hevur henda altjóða viðurkenningin av føroyska bátinum týdning fyri varðveitingina av føroyska bátinum, og hvat kunnu tað almenna, feløg og einstaklingar gera?

Kristina Djurhuus Christiansen

Kristina Djurhuus Christiansen, savnsvørður, greiddi frá tiltakinum í morgunsendingini í morgun

Tiltakið verður í kvøld kl. 19.30 á Tjóðsavninum í Brekkutúni 6 í Hoyvík.

Skráin fyri kvøldið

19.30 Vælkomin

Kristina Djurhuus Christiansen, savnsvørður á Tjóðsavninum

19.35 Tiltakið verður sett.

Armgarð Weihe, aðalskrivari í føroysku UNESCO-nevndini

19.45 Yrkið sum bátasmiður.
Hanus Jensen, bátasmiður á Roskilde Vikingeskibsmuseum

20.05 Siðaarvur á UNESCO listan, hvat inniber tað?

Tóta Árnadóttir, ph.d. lesandi á Fróðskaparsetri Føroya

20.15 Steðgur

20.35 Trý dømi á brúk av bátinum

- Samson Højgaard: Ferðavinna
- Róðrarfelagið Knørrur: Frítíð
- Jógvan Henriksson: Undirvísing

20.55 At bjarga føroyska bátinum - hugburður og átøk

Herleif Hammer, stjóri á Tjóðsavninum

21.10 Samanumtøka og hugarok um verjutiltøk

21.30 Tiltakið endar

Tiltakið er ókeypis og øll eru hjartaliga vælkomin.