- Tíðindi, mentan og ítróttur
Góðan morgun Føroyar
Hvat gert tú, tá trotið á námsfrøðingunum er stórt, og útskiftingin millum hjálparfólkini er stór?
Hesum spurningi sat Berit Weihe, leiðari á Dagstovninum í Løkjatúni, við, tí hon legði til merkis, at stórur partur av arbeiðsdegnum hjá námsfrøðingunum fór til upplæring av hjálparfólkum, heldur enn til at vera um børnini.
Svarið til spurningin er í teirra føri ein mentorskipan, har Eydna Gleðisheygg og Majken Hvítklett, sum eru lesandi á setrinum, skipa fyri einari mentorskipan, soleiðis at hjálparfólkini fáa undirvísing í grundleggjandi námsfrøðiligum førleikum eina ferð um vikuna.
Skipanin hevur verið virkin í eitt hálvt ár eftir hondini, og trivnaðurin hjá báðum bólkum av starvsfólkum er batnaður munandi.
- Hetta er ein skipan, sum er ment til okkara tørv á júst hesum stovinum, so um hon kann nýtast aðrastaðni er ivasamt, men vit vilja fegin vitanardeila, um onkur annar gongur í somu tonkum sum vit, sigur Berit Weihe.