Góðan morgun Føroyar

Ongantíð upplivað nakað líknandi
02-02-2023
- Eg havi ongantíð upplivað nakað líknandi, sigur Janhild Olsen, sum býr í Nýsælandi, har grimdarregn hevur elvt til stórar skaðar.

Óvanliga nógv regn hevur verið í Nýsælandi seinastu dagarnar, og fleiri fólk eru deyð í sambandi við áarføri.

Býurin, Auckland, hevur í nakrar dagar verið lýstur í undantaksstøðu.

- Fríggjadagin í farnu viku regnaði tað oman fyri 200 millimetrar upp á seks tímar, og eg havi ongantíð upplivað nakað líknandi, sigur Janhild Olsen, sum í fleiri ár hevur búð í býnum, Auckland.

Tíbetur eru hon og familjan sloppin rættiliga væl.

- Vit hava ongan skaða sum so. Innkoyringin fekk eitt sindur av skaða, men tað hevði einki upp á seg. Hjá granna okkara, sum býr niðan fyri her hjá okkum, har er heilt galið, sigur Janhild Olsen.

Hon vísir á, at kommunan hevur gjørt ávísar mannagongdir í sambandi við áarførið, har tey geva húsum eitt reytt merki ella eitt gult merki. Tað reyða merkir, at tú kanst ikki fara inn.

- Hjá grannunum leyp undan húsinum, so har er einki at gera, tey kunnu ikki fara inn aftur í húsini og kunnu ikki eingongd fara inn eftir tingum, sigur Janhild Olsen.

Í Nýsælandi er summarfrítíðin júst komin at enda, men landið er framvegis í undantaksstøðu, og tí er ikki víst, at børnini kunnu fara í skúla aftur næstu dagarnar. Sambært veðurforsagnunum fyri komandi dagarnar fer framvegis at regna í Aucklandi, tó ikki eins nógv og í farnu viku.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.   Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)
Hanus Kjølbro, Eivør, Leif Hansen, Hanne Marit Modal Iversen, og Erna Lava Olsen
27-03-2024
Veðrið, Zakarias Wang, Jens Jákup Hansen og Jónfinn Stenberg
26-03-2024
Hanus Kjølbro, Óluva Klettskarð og Randi Kúrberg
25-03-2024
Veðrið, royking, kapping, Heldarstindur
22-03-2024
Stillavika, kokkakapping, brekumboð
21-03-2024
Veðrið, plantur til matna, móðurmálsdagur, serfrøðingurin
20-03-2024
Nick Carter, veðrið, føroyskt mál, Pippi í SALT, Siloa 100 ár
19-03-2024
Veðrið, samarittar og Sinnibati Ung
18-03-2024
Veðrið, kapping, heimsmeistari í inniróðri, ólavsøkukabarettin
15-03-2024
Veðrið, slipsið hjá Williami Heinesen, sangleikurin 'Vakurleikin & Beistið"
14-03-2024
Hoyr alla sendingina
13-03-2024
Veðrið, ársins sjúkrarøktarfrøðingur, Terji Rasmussen og ein nýggjur sangur, bókaútsøla og javnstøða í fótbólti eru evnini hesa ferð
12-03-2024