Hava verið sjúkrarøktarfrøðingar í 50 ár

01-03-2023

Fyri júst 50 árum síðani fingu Maria Andreassen Hentze og Anna Dánjalsdóttir prógv sum sjúkrarøktarfrøðingar

Tann 4. august í 1969 hittust 18 ungar kvinnur fyri fyrstu ferð á Háskúlanum í Havn, í sambandi við at tær fóru undir útbúgving sum sjúkrarøktarfrøðingar.

Hálvtfjórða ár seinni - 1. mars í 1973 - fingu 14 teirra prógvið. Í dag er hetta júst 50 ár síðani.

Arbeiðið sum sjúkrarøktarfrøðingur er nógv broytt øll hesi árini.

- Kundi eg valt umaftur, so hevði eg avgjørt valt somu útbúgving aftur, tí mær hevur dámt hetta arbeiðið sera væl, sigur Maria Andreassen Hentze.

Í morgunsendingini fortelja hon og Anna Dánjalsdóttir um útbúgvingina tá, og hvussu arbeiðið er broytt fram til í dag.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)