"Filip Zachariassen og eg skrivaðu til Sigrið í oktobur í fjør, so settu vit okkum at skriva saman, og tað gekk ordiliga væl. Her er úrslitið", sigur 23 ára gamli Jónas, sum er glaður fyri, at fólk hava tikið væl ímóti lagnum.

19 ára gamla Sigrið heldur, at tað hevur verið ein stuttlig uppliving at gera duettina. 

Hetta er fyrstu ferð, at tey gera eitt lag saman og ikki seinastu ferð, avdúka tey.

"Farin er ein kærleikssangur, sum snýr seg um tvey, sum ikki eru saman longur, men sum liva í einari vón um, at tey fara at koma saman aftur. So lagið snýr seg um vón og sorg", siga tey.