Góðan morgun Føroyar

Dugnaligur íverkseti endar ævintýrið
22-03-2023
- Tað var ein fyrimunur, at eg var 22 ára gomul, tí eg sá bara møguleikar heldur enn forðingar, sigur Sigrun S. Nielsen, sum eftir 10 ár letur klædnahandilin, Insito, aftur.

22 ára gomul og egnan klædnahandil.

Soleiðis sá veruleikin út hjá Sigrun Símunardóttir Nielsen fyri tíggju árum síðani, tá hon læt upp klædnahandilin Insito á Toftum.

- Tað var ein fyrimunur, at eg var 22 ára gomul, tí eg sá bara møguleikar heldur enn forðingar, sigur Sigrun S. Nielsen.

Tað sermerkta við handlinum tá var, at Sigrun S. Nielsen sjálv var stórur partur av marknaðarføringini - hon tók myndir av sær sjálvari, meðan hon var í klæðum, sum handilin seldi. Í dag heldur hon, at tað var júst hetta, sum gjørdi, at bæði gentur og kvinnur í stríðum streymi komu á Toftir at síggja handilin.

Eftir at hava átt og rikið Insito í tíggju ár, velur Sigrun S. Nielsen nú at lata handilin aftur. Lívið og raðfestingarnar eru broyttar.

- Handilin hevur verið sum eitt barn. Hann hevur upp á nógvar mátar kravt líka nógv av mær sum eitt barn. Men nú havi eg mann, eitt barn og tað næsta á veg, eg havi hús og ja, eg føli, at tíðin er búgvin til, at eg raðfesti onnur ting fram um Insito. Og eg gleði meg at kunna tað, sigur Sigrun S. Nielsen.

Í morgunsendingini fortelur hon um íverksetaraævintýrið, sum um fáa dagar endar, tá Sigrun S. Nielsen snarar lyklinum í Insito fyri seinastu ferð.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.   Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)
Hanus Kjølbro, Eivør, Leif Hansen, Hanne Marit Modal Iversen, og Erna Lava Olsen
27-03-2024
Veðrið, Zakarias Wang, Jens Jákup Hansen og Jónfinn Stenberg
26-03-2024
Hanus Kjølbro, Óluva Klettskarð og Randi Kúrberg
25-03-2024
Veðrið, royking, kapping, Heldarstindur
22-03-2024
Stillavika, kokkakapping, brekumboð
21-03-2024
Veðrið, plantur til matna, móðurmálsdagur, serfrøðingurin
20-03-2024
Nick Carter, veðrið, føroyskt mál, Pippi í SALT, Siloa 100 ár
19-03-2024
Veðrið, samarittar og Sinnibati Ung
18-03-2024
Veðrið, kapping, heimsmeistari í inniróðri, ólavsøkukabarettin
15-03-2024
Veðrið, slipsið hjá Williami Heinesen, sangleikurin 'Vakurleikin & Beistið"
14-03-2024
Hoyr alla sendingina
13-03-2024
Veðrið, ársins sjúkrarøktarfrøðingur, Terji Rasmussen og ein nýggjur sangur, bókaútsøla og javnstøða í fótbólti eru evnini hesa ferð
12-03-2024