- Tíðindi, mentan og ítróttur
Góðan morgun Føroyar
Tað kann vera trupult at síggja eyðkenni við føroyska mótanum, tí at hann í stóran mun fylgir altjóða mótarákunum, men flestu føroysku sniðgevar gera pløgg, sum kunnu brúkast leingi, og sum ikki eru so tongd at teimum rákum, sum taka seg upp.
Tað heldur Sissal Kristiansen, sum eigur klædnamerkið Shisabrand, og sum er ein av teimum, sum verður við í Tórshavn Fashion Week, sum verður í august.
Ólavur í Geil, fyriskipari av Tórshavn Fashion Week, greiðir frá, at snúningsdepilin í hesum átaki er ein uttandura mótasýning, sum verður 25. august undir Skeiva pakkhúsi, har nógvir føroyskir sniðgevar vera við.
- Í samstarvi við Visit Faroe Islands fara vit at vísa bæði føroyingum og útlendskum ávirkarum og tíðindafólkum, hvat vit hava at bjóða, sigur hann.