- Tíðindi, mentan og ítróttur
Góðan morgun Føroyar
Í panelinum eru Símun Samuelsen og Ólavur Jóannesarson Hansen.
Fyrsta evnið í morgun er Reiley, sum hevur verið úti fyri almennari útspilling - serliga av teimum donsku miðlunum. Um hetta siga teir, at slík útspilling ongastaðni hoyrir heima, og teir halda, tað vera skelkandi, at fólk loyva sær at tosa niðrandi um hann, og ikki tónleikin, tá ið tað er tað, kappingin snýr seg um.
Kjakið um móðurmál ella danskt í Fólkatinginum í Danmark, er annað evnið. Tað vakti undran og ørkymlan, tá ið Aki-Matilde Høegh-Dam úr Siimut, sum er annað av grønlendsku fólkatingsumboðunum, helt røðu á grønlendskum í Fólkatinginum herfyri.
Triðja evnið í morgun, er tann nógv umrøddi klædnapolitikkurin í Vestmanna skúla, ið bæði tingfólk og ávirkarar hava skrivað um alment.
Teir halda, at skúlin skal avgera, hvørjar reglur eru galdandi har, og mann skal lurta eftir næmingunum, sum sambært skúlastjóranum og varaskúlastjóranum í Vestmanna skúla, ikki finnast at hesum.