- Vit høvdu onga aðra plan, enn at vit vildu hava at prestur prædikaði tá vit vitjaðu, og so hava vit lagt ætlanir eftir tí, sigur Karla Andreassen, sum saman við Simonu Erlandsdóttir hevur verið landið runt seinasta hálva triðja árið.

- Eisini vistu vit, at skuldu vit á útoyggj, so skuldi veðrið vera gott, og vit fóru heldur ikki at koyra til Gjáar ella til Dals í hálku um veturin, so tað valdu vit frá tá.

Eitt av serstøku minnunum frá túrinum er, tá tær báðar vóru til gudstænastu saman við bara einum kirkjugangara afturat, umframt kirkjutænarum.

Hetta, at royna eitt kirkjumaraton er avgjørt nakað, tær viðmæla øðrum at royna.

- Vit hava hitt so nógv ymisk fólk og fingið nógv góð prát, siga tær at enda.