Góðan morgun Føroyar

Sjálvt um flestu okkara bert hava eitt hanagleiv út í fríu náttúruna, so eru tað tey fægstu, sum gera sær dælt av henni í nóg stóran mun. Tað heldur Vár Næs, sum er psykomotoriskur terapeutur og náttúruterapeutur.

- Náttúran í Føroyum er stórsligin, og vit hava heilt víst eitt ótilvitað tilknýti til náttúruna, men eg veit ikki um hetta merkir, at vit sum føroyingar hava eitt størri samljóð við náttúruna, bara tí vit búgva tætt at henni. Tað er sum við kroppinum; vit hava øll ein, sum ber okkum, men er ikki tað sama sum at vera í samljóði við kroppin.

Tað, at náttúran verður nýtt til heilsubót er tó ikki ókent, og hetta samljóðið er týdningarmikið fyri okkara sálarligu heilsu, heldur Vár.

- Tað er eitt stórt frælsi at koma burtur frá øllum, og sleppa tí, sum tú tekst við til dagligt, og so løða aftur í tínum egna tempo. Har skalt tú einki annað enn at njóta, sansa og gleða teg til tað, sum hendir har. Tann friðin, eg upplivi í náttúruni, taki eg við mær, og tað er við til at skapa eina javnvág í mínum gerandisdegi.

Náttúruterapi er gott fyri øll, heldur Vár, og í summar fer hon undir heitinum Várnatúr at skipa fyri skeiði í Føroyum saman við Armgarð Mortensen og Sinnisbata