Forboð gera okkum ikki sunnari

03-03-2016

Ikki er neyðugt við nógvum forboðum fyri at fáa føroyingar at eta heilsugott og røra seg meir

- Uppgávan hjá Fólkaheilsuráðnum er ikki at seta forboð, men heldur at upplýsa. Út frá upplýsingunum kunnu fólk so sjálv taka støðu.

Soleiðis sigur nýggi formaðurin í Fólkaheilsuráðnum, Magni Mohr.

Í morgunsendingini tosaði formaðurin millum annað um tey ymisku økini, sum Fólkaheilsuráðið roynir at kunna um. Serliga er tað rørsla, sum fokus skal setast á.

- Nú havi eg ikki sitið saman við ráðnum enn, men eg kundi hugsað mær, at fleiri føroyingar fáa møguleika at røra seg, tí sum nú er, er enki tilboð til tey fólkini, sum ikki tíma kappingarítrótt, sigur Magni Mohr.

Í samrøðuni fortelur Magni Mohr eisini sína hugsan um eitt nú pitsa, grind, royking og maraton.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)