Vilja vísa, hvat fyriferst á granskingarøkinum

Granskingarráðið og granskingarstovnarnir skipa í ár fyri tiltakinum "Vísindavøku á ferð"

Ein røð av fyrilestrum verða kring alt landið, og tiltakið verður skipað soleiðis, at granskarin heldur fyrilestur í 25-45 minuttir og síðani er høvi til spurningar ella kjak. 

Endamálið er at kveikja áhugan fyri gransking, og vísa, hvat fyriferst á granskingarøkinum. 

Áhugaverdir fyrilestrar 

Fyrilestrar verða millum annað í Trongisvágs skúla um føroyska bústaðin fyrsta part av 20'undi øld. 

Á tekniska skúla í Klaksvík verður millum annað fyrilestur um vespur í Føroyum, í Gøtu Kirkju um Syngjandi trúbótina, og í Skála skúla um føroyskar uppkallingarsiðir.

Vísundavøkan verður í døgunum 19. -29. september, og hon er almenn og ókeypis.

Góð undirtøka

Í fjøru vóru tilsamans 45 fyrilestrar hildnir fyri tilsamans sløkum 3.000 áhoyrarum kring landið. 

Sjálv Vísindavøkan er í Havn 30. september frá 8-22.30 í Perluni á Reinsarínum.

Tú kanst lesa rúgvismiklu skránna á heimasíðuni gransking.fo

Kelda: gransking.fo