Vil sníkja strámenn inn í vinnuni

Vil sníkja strámenn inn í vinnuni
Fiskimannafelagið heldur, at veruliga ætlanin við nýskipanaruppskotinum hjá Høgna Hoydal er, at altjóða fyritøkur skula ráða í vinnuni
Jan Højgaard heldur, at samgonguuskotið um fiskivinnuna fer at fáa fleiri strámenn í vinnuna. 
 
28.05.2017 - 14:10

Boðskapurin hjá Fiskimannafelagnum til Høgna Hoydal er greiður: "Tak lógaruppskotið um fiskvinnunýskipanina aftur".

- Hetta uppskotið er ikki gagnligt fyri Føroya Fólk, sigur Jan Højgaard, formaður í Føroya Fiskimannafelag.

Fiskimannafelagið skipar fyri mótmælistiltakið uttanfyri Løgtingið í morgin, tá uppskotið um fiskivinnunýskipan fer at hava 1. viðgerð. 

Tvær orsøkir til hesa stúran eru ætlaða uppboðssølan av rættinum at fiska, saman við ætlanini at loysa veiðuloyvini frá skipunum:

- Uppboðssølan er ógvuliga lemjandi og óetisk. Hon hoyrir ikki okkara tíð til, tí vit verða seldir á uppboðssølu. Tað góðtaka vit ikki. Vit vilja hava trygg og stabil viðurskiftir, sigur Jan Højgaard við útvarpið hjá Kringvarpinum.  

Jan Højgaard heldur, at veriliga ætlanin handan uppskotið hjá Høgna Hoydal er, at útlendingar skula keypa seg inn í vinnuna.

- Okkara hugsan er, at tað er tað, sum liggur aftanfyri hetta uppskotið. Mann skal hava altjóða fyritøkur inn, soleiðis at føroyingar ikki hava tað stóra at skula hava sagt, sigur Jan Højgaard, formaður í Fiskimannafelagnum. 

Saman við Skipara- & Navigatørfelganum heitir Fiskimannafelagið á allar sínar limir um at møta til mótmælistiltakið í morgin.

Jan Højgaard roknar við, at eisini skip, sum eru til fiskiskap undir Føroyum, bróta túrin av fyri í staðin at koma til Havnar at mótmæla:
 

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652