Dýrari rúsdrekka í Skotlandi

Dýrari rúsdrekka í Skotlandi
Hægstirættur í Bretlandi hevur givið skotsku myndugleikunum loyvi til at áseta ein minstaprís fyri rúsdrekka
 
17.11.2017 - 11:31

Myndugleikarnir bóðu um eina aðra skipan, eftir at fleiri fólk seinastu tíðina eru deyð, og orsøkin skal vera ovurnýtsla av rúsevni.

Blaðið Wall Street Journal skrivar, at avgerðin kann føra til somu skipanir í øðrum londum.

Sum dømi nevnir blaðið, at tríggir litrar av White Cider nú kosta umleið 30 krónur. Tá prísurin hækkar, verður kostnaðurin umleið 90 krónur fyri somu nøgd. Tað er sostatt talan um eina trífalding av prísinum.

Hægri prísur - minni ovurnýtsla

Skotski heilsumálaráðharrin, Shona Robinson, fegnast um avgerðina hjá hægstarætti, tí hægri príur er tað einasta, sum kann fáa fólk at drekka minni, sigur hon.

- Dómurin er søguligur og avgerandi fyri framtíðina hjá Skotlandi, tí neyðugt er at fáa fólk at hugsa meir um rúsdrekka og tær fylgjur, sum rúsdrekka hevur, sigur heilsumálaráðharrin.

Onnur lond hava bíðað í spenningi eftir avgerðini hjá hægstarætti, teirra millum er Írland. Og eygleiðarar ivast onga løtu í, at fleiri onnur lond fara at seta somu skipanir í verk, sum nú verða settar í verk í Skotlandi.


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858