Spanskar neyðtøkulógir endurnýggjast

25.07.2018 - 12:52
AktueltÚtheimurin
Spanskar neyðtøkulógir endurnýggjast
Fyri slakari viku síðani lovaði spanski forsætisráðharrin, Pedro Sanchez, at broyta elligomlu og útholaðu neyðtøkulóggávuna í Spania
Málið í 2016, har fimm menn misbrúktu eina gentu, elvdi til mótmælisgongur á gøtunum í Spania. Nú verða lógirnar endurnýggjaðar.
 

Miðvinstrastjórnin í Spania hevur lovað at endurnýggja lógirnar, sum eru galdandi í sambandi við neyðtøku. 

Fyri slakari viku síðani lovaði spanski forsætisráðharrin, Pedro Sanchez, at broyta elligomlu og útholaðu lóggávuna.

Spanski ráðharrin í javnstøðumálum sigur í sama viðfangi, at eitt ja merkir ja, eitt nei merkir nei, og ikki at siga ja, merkir eisini nei. 

Javnstøðuráðharrasessurin er nýggjur, og Sanchez hevur sett tað ráðið á stovn. 

Sambært verðandi spanskari lóg, kanst tú ikki dømast fyri neyðtøku, um ikki harðskapur ella hóttan um harðskap hevur verið.

Holini í lógini komu týðiliga til sjóndar í nógv umrødda málinum undir festivalinum í Pamplona í 2016.

Tá vórðu fimm menn dømdir fyri kynsliga at hava misnýtt eina 18 ára gamla kvinnu, men ikki fyri neyðtøku. Í verjurøðu síni søgdu mennnir, at kvinnan hevði latið ein av monnunum kyssa hana innan sjálva neyðtøkuna. 

Verjin hjá monnunum vísti eisini sjónbandaupptøku, sum menninir høvdu tikið av misnýtlsuni. Á sjónbandinum sæst kvinnan blunda og liggja pinna still.

At hon einki gjørdi um seg er, sambært verjanum, prógv fyri, at hon var við uppá tað, sum hendi.

Menninir hava kært dómarnar til hægsta rætt. Ákæruvaldið kravdi 20 ára fongsul, teir vórðu dømdir níggju ára fongsul.

Spania fer altso nú at lóggeva um samtykki, sum merkir, at eitt nei ikki er treytin fyri, um gerningsmaðurin kann dømast.

Slík lóggáva er longu í Týsklandi, sum herdi seksuallóggávuna longu í 2016. Eisini finst lóggávan í Svøríki, sum herdi lógirnar í byrjanini av hesum mánaðinum.

Henda lóggávan hevði merkt, at teir fimm minninir, sum vórðu handtiknir fyri at hava neyðtikið eina 18 ára gamla kvinnu, høvdu verið dømdir fyri neyðtøku og ikki eftir linu lógini um kynsliga misnýtslu.

Er kopiera
Nýggjastu sendingar í ÚV
Leygardag 13. august
Morgunlestur leygardagur 13. august 2022
143011
Fríggjadag 12. august
Morgunlestur fríggjadagur 12. august 2022
143010
Hósdag 11. august
RagnarRokk 11.august 2020
140693
Hósdag 11. august
RagnarRokk: Jon Courtney um Above Sirrus
140690
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750