Fara skjott aftur í rættin

bannari
02.08.2018 - 13:05
AktueltSamfelag
Fara skjott aftur í rættin
Fyrsti rættarfundurin miilum Fíggjarligt støðufesti og Eik banka eftir steðgin verður 27. august. Teir saksøktu verða avhoyrdir í desember
Sakarmálið móti oddamonnunum í Eik banka verður tikið upp aftur síðst í hesum mánaðinum
 

Sakarmálið millum Fíggjarligt støðufesti og leiðsluna, sum var í Eik banka, tá bankin fór av knóranum í 2010, verður tikið upp aftur í Føroya rætti tann 27. august. 

Tá verða skjølini hjá grannskoðanini hjá Eik banka løgd fram, skjølini hjá grannskoðanarvirkinum Nota og Hans Laksá, grannskoðara. Tann framløgan verður sambært verandi tíðarætlan liðug í desember.

Sambært tíðarætlanini verður farið undir at avhoyra teir fimm saksøktu tann 10. desember. Tey stevndu eru Marner Jacobsen, forstjóri, Bjarni Olsen, stjóri, Frithleif Olsen, nevndarformaður til 2010, Odd Bjellvåg, næstformaður og seinni formaður, Hans Laksá, grannskoðari, og grannskoðarafelagið Nota.

Í øllum førum 140 vitni skulu eisini avhoyrast.

Liðugt í mai

Miðað verður eftir, at stóra sakarmálið er liðugt í Føroya rætti í mai næsta ár. Fíggjarligt støðufesti stevndi í 2016 eftir 150 milliónum krónum.

Teir saksøktu krevja frídøming. Rættarmálið millum Fíggjarligt støðufesti og leiðsluna í gamla Eik banka, sum byrjaði hálvan januar, varð útsett 9. april.

Partarnir vildu fyrst gera seg lidnar við sakarmálið um Eik Bank í Danmark. Tað sakarmálið varð viðgjørt í Eystara landsrætti. Tann viðgerðin var liðug 26. juni. Dómur fellur tann 26. oktober.

Er kopiera
Nýggjastu sendingar í ÚV
Fríggjadag 24. september
Góðan morgun Føroyar 24.09.2021
129002
Fríggjadag 24. september
Morgunlestur fríggjadagur 24. september 2021
128854
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699