Kanna sjósíl

Kanna sjósíl
Fiskaaling er farið undir at kanna sjósílini, so grundleggjandi vitan fæst um tey. 
 
12.09.2018 - 16:39

Fyri at fáa meira at vita um sjósíl í føroyskum vøtnum og føroyskum sjógvi, er Fiskaaling farin undir at kanna sjósílini, so grundleggjandi vitan fæst um tey. 

Havbúnaðarfelagið fíggjar verkætlanina.

Ætlanin er at áseta tíðarskeiðið, tá smoltið fer á sjógv, og at lýsa støðuna hjá smoltinum viðvíkjandi longd, vekt, konditión og aldri, tá tað fer á sjógv. 

Ætlanin er eisini at samanbera ferðingarmynstrið á veg á sjógv við kringumstøðurnar, so sum hita og rák. 

Eisini skulu gerast nøktandi mannagongdir til at savna vaksin sjósíl, og síðani lýsa møguligar munir í trivnaði og stovnssamanseting millum ymisk ár. 

Kanningin er skipað í tveimum.

Onnur verkætlanin byrjar næsta vár, og kanningarnar verða gjørdar í Sandá í Havn. 

Hin verkætlanin byrjar í heyst. Í henni verður í fyrstu syftu ment ein mannagongd, sum savnar vaksin sjósíl í nøktandi nøgdum og støddum. 

Hesin parturin er tann mest avbjóðandi, sigur Fiskaaling, tí ongar royndir eru higartil gjørdar at fanga vaksin sjósíl á sjónum við Føroyar. 

Eisini verða sílini kannað fyri sjúkur og lús. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585