Svarti kassin funnin

01.11.2018 - 11:09
AktueltÚtheimurin
Svarti kassin funnin
Svarti kassin úr indonesiska flogfarinum, sum datt niður mánadagin, er funnin.
Tað var eitt flogfar frá flogfelagnum Lion Air, sum datt niður.
 

Umborð á øllum flogførum eru tveir svartir kassar, annar skrásetir eitt nú kós og ferð, hin skrásetur alt ljóð í sjálvum stýrirúminum. Tí eru svørtu kassarnir avgerandi í arbeiðinum at fáa greiði á, hví flogfarið hjá flogfelagnum Lion Air datt niður bara 13 minuttir eftir fráferð.

Einki er at frætta um, hvønn av kassunum talan er um. Sambært indonesisku myndugleikunum eru partar av vrakinum at finna á 35 metra dýpi.

189 fólk vóru umborð á flogfarinum - myndugleikarnir stúra fyri, at øll eru deyð.

Tvørandi trygd við indonesisku loftferðsluni hevur áður havt við sær, at tað ikki varð loyvt indonesiskum flogførum at flúgva inn í evropeiskt ella amerikanskt loftrúm, men tað bannið er sett úr gildi aftur.

Nú hevur forsetin í Indonesia kravt, at ferðslumyndugleikarnir har kanna orsøkin til, at flogfarið datt niður. Ráðharrin fyri ferðslu hevur longu sagt tekniska leiðaran og fleiri starvsfólk á teknisku deild í Lion Air úr starvi.

 
Nýggjastu sendingar í ÚV
Hósdag 21. november
Breddin
101309
Hósdag 21. november
Nón - 21. november 2019
101307
Hósdag 21. november
Katrin Sørensen er gestur í Dansivali
101296
Hósdag 21. november
Áðrenn Elvis: Gleði og kæti
101291
Hósdag 21. november
Góðan morgun, Føroyar 21. november 2019
101286
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andakt við Jørgen Andreasen
101148
Mánadag 11. november
3-2
100936