Strandfaraskip kunnu samanberast við ellisakfør

08.02.2019 - 10:36
AktueltSamfelag
Strandfaraskip kunnu samanberast við ellisakfør
Miðalaldurin á strandfaraskipunum er 30 ár
 

Fleiri strandfaraskip lúka ikki krøvini, ið verða sett ferðamannaskipum í dag, og tey kunnu í veruleikanum samanberast við ellisakfør.

Tað stendur í nýggju samferðslufrágreiðingini frá Landsverki.

Tað er nærum ógjørligt at finna ferjur, sum hóska til okkara viðurskifti, og sum lúka galdandi krøv.

Ritan, Sam og Ternan høvdu als ikki sloppið í flotan, um so skuldi verið.

Neyðugt at endurnýggja

Einasta loysnin er at endurnýggja flotan, men neyðugt kann verða við avloysaraskipi, hóast flotin verður endurnýggjaður, stendur í frágreiðingini.

Ein onnur avbjóðing er, at í háárstíð eru skipini ov lítil, og skal tørvurin nøktast um summarið, er neyðugt við einum ella fleiri skipum aftrat teimum, sum eru í flotanum. 

Danska fyritøkan Knud E. Hansen hevur gjørt eina støðulýsing av Smyrli, Teistanum, Ternuni, Sam, Rituni og Sildberanum.

Har er niðurstøðan, at neyðugt er endurnýggja ein stóran part av flotanum, so skipini kunnu nøkta ferðafólka- og farmaflutningin, sum Strandferðslan sambært lóg hevur skyldu at røkja. 

Miðalaldurin á strandfaraskipunum er 30 ár. 


 

 
Nýggjastu sendingar í ÚV
Mánadag 3. august
Umhvørvið og eg - klæðir
111635
Sunnudag 2. august
Frá stríðsárunum (5:15)
110845
Sunnudag 2. august
Samfelagsmøti hjá Brøðrasamkomuni
111922
Nýggjastu sendingar í SV
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807