- Tíðindi, mentan og ítróttur
Tarrant noktar seg sekan í skotálopi í Ný Sælandi
28 ára gamli Brenton Tarrant er skuldsettur fyri at hava dripið 51 fólk, og at hava roynt at dripið 40 fólk aftrat í atsóknini í Christchurch í Ný Sælandi.
Hann er eisini skuldsettur fyri at hava brotið yvirgangslógina í Ný Sælandi.
Yvirgangslógin kom í gildi í 2002, og nú skal hon roynast.
Tók video av skotálopinum
Tarrant gjørdi eisini eina videoupptøku, sum varð send beinleiðis á Facebook, og hon vísti menn, kvinnur og børn, sum vórðu skotin undir fríggjadagsbønini.
Stutt frammanundan hevði Tarrant kunngjørt eitt manifest í 74 síðum, har hann boðaði frá sínum víðgongdu høgravendu sjónarmiðum.
Tarrant sigur, at hann er ein vanligur hvítur maður, sum hevur fingið íblástur frá norska hópdrápsmanninum, Anders Behring Breivik.
Rættarmálið byrjar í mai næsta ár, og tað er sett at vara í seks vikur.