Eingin játtan, asfaltverk kortini keypt

08.08.2019 - 12:27
AktueltPengar
Eingin játtan, asfaltverk kortini keypt
Hóast ikki eitt oyra varð játtað í fíggjarlógini, keypti Landsverk eitt asfaltverk fyri 8,8 milliónir krónur í fjør
Asfaltverkið á Sundi
 

Hetta heldur Landsgranskoðanin er løgið, og spurdi landsstýrismannin í samferðslumálum um tað.

Landsstýrismaðurin greiddi frá, at Samferðslumálaráðið tekur undir við Landsgrannskoðanini, sum sigur, at sáttmálin, sum Landsverk gjørdi í 2016 um at langtíðarleiga asfaltverkið á Sundi við keypsrætti við sáttmálalok, í veruleikanum er ein fíggjarlig langtíðarleiga. Tí er neyðugt at viðgera málið sum keyp.

Leigumálið varð bókað sum keyp, hóast eingin jattan var til keyp. Frá 2016 til 2018 hevur Landsverk goldið 15,8 mió.kr. í leigu fyri asfaltverkið. 9,3 milliónir krónur vóru eftir at gjalda í leigu og keypsrætti.

Avsláttur

Landsverk sigur seg hava fingið ein avsláttur, sum er 500.000 krónur, tí leigan og keypsrætturin vórðu framskundað. Landsverk hevur tí rindað 8,8 milliónir krónur, 9,3 milliónir minus 500.000 krónur, og keypt asfaltverkið.

Landsgrannskoðanin gjørdi longu í ársfrágreiðingini fyri 2017 vart við ivasom viðurskifti viðvíkjandi langtíðarleiguni á Sundi.

Samferðslumálaráðið gjørdi tá saman við Fíggjarmálaráðnum eina nýggja høvuðskontu “Keyp av asfaltverki” í landsroknskapinum. Men Landsgrannskoðanin vísti á, at hetta bar ikki til, uttan at løgtingið samtykti tað.

Landsgrannskoðanin staðfestir at Landsverk í 2016 gjørdi leigusáttmála um asfaltverkið, sum í veruleikanum var eitt keyp. Og løgtingið hevur ikki góðkent hetta keypið, sigur Landsgrannskoðanin.

Er kopiera
Nýggjastu sendingar í ÚV
Hósdag 20. januar
RagnarRokk 20. januar 2022
133821
Hósdag 20. januar
RagnarRokk: Gary Shea um V
133820
Hósdag 20. januar
Mono: Sam Phillips - 2. partur
134363
Hósdag 20. januar
Danssival - Leon Johannesen er gestur
134348
Nýggjastu sendingar í SV
Hósdag 20. januar
Koks
134369
Mikudag 19. januar
Mentanarvirðisløn Landsins 2021
134328
Mikudag 19. januar
25 minuttir: Olaf Johannessen
134326
Týsdag 18. januar
Vísindavøka: Amanda Vang, Fiskaaling
130883
Mánadag 17. januar
3-2
134193