Nýggj lóg um hvitar pengar og yvirgang

23.08.2019 - 12:19
AktueltPengar
Nýggj lóg um hvitar pengar og yvirgang
1.september kemur nýggj lóg í gildi í Føroyum um at vaska pengar hvítar og fíggja yvirgang
Føroyskir pengar skulu ikki brúkast til yvirgang, sigur ríkislóg.
 

1.september kemur nýggj lóg í gildi í Føroyum um at vaska pengar hvítar og fíggja yvirgang.

Talan er um ríkislóg, sum er lagað til eftir føroyskum viðurskiftum.

Løgtingið samtykti lógina 21.mars í ár.

Lógin kemur í staðin fyri lógina frá 2008.

Lógin skal forða fyri, at svartir pengar gerast lógligir, tí teir verða, sum sagt verður, vaskaðir hvítir, tað er, at pengar, sum stava frá brotsgerðum, verða gjørdir lógligir.

Tað kann gerast millum annað við at veksla pengarnar til annað gjaldoyra, ella flyta pengarnar talgilt til annað land.

Svørtu pengarnir kunnu eisini brúkast til at keypa fastogn ella annað til vinnuvirki.

Lógin skal forða

Lógin skal eisini forða fyri, at pengar fara úr Føroyum til yvirgang.  

Fíggjarnevndin hjá løgtinginum segði, tá hon viðgjørdi málið í vár, at tað er týdningarmikið fyri Føroyar, at lóggávan á hesum økinum er dagførd og á sama stigi sum lóggávan í ES og grannalondum okkara annars. 

Altjóða felagsskapurin, Financial Action Task Force, ger meginreglurnar um, hvussu londini eiga at gera lógir, sum forða fyri, at pengar verða vaskaðir hvítir, og yvirgangur verður fíggjaður. 

Føroyar eru sum limur í ríkisfelagsskapinum eisini limur í FATF.

Nú lógin í Føroyum er dagførd, lúka Føroyar krøvini hjá altjóða felagsskapinum, segði Fíggjarnevndin.


 

 
Nýggjastu sendingar í ÚV
Sunnudag 20. september
Guðstænasta í Vesturkirkjuni
113675
Sunnudag 20. september
Oddvá Nattestad er gestur í Brunsj
113670
Sunnudag 20. september
"Á jólum vóru vit sorgleys".
113610
Leygardag 19. september
Jambalaja 190920
113661
Leygardag 19. september
Morgunlestur leygardagur 19. september 2020
113244
Nýggjastu sendingar í SV
Sunnudag 20. september
Andakt við Kristiani á Reynatrøð
113686
Sunnudag 20. september
Guðstænasta úr Havnar kirkju
113687
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403