Mutur í ítrótti kann geva tvey ára fongsul

Mutur í ítrótti kann geva tvey ára fongsul
Lóg um matchfixing er á veg í Føroyum
 
09.01.2020 - 09:47

Mutur í ítrótti kann geva heilt upp í tvey ára fongsulsrevsing.

Ein lóg um óreiðiliga ávirkan á ítróttakappingar, ella matchfixing, er á veg í Føroyum.

Í uppskotinum um lógina, sum er til hoyringar í løtuni, stendur, at revsivert er at mutra tey, sum á onkran hátt eru við í ítróttakapping.

Tað er eisini revsivert hjá teimum, sum eru við í kappingini, at taka ímóti mutri. 

Revsingin kann verða sekt ella fongsul upp í eitt ár. 

Í serliga álvarsligum førum kann revsingin fara upp í tvey ára fongsulsrevsing. 

Vita einki um matchfixing

Uttanríkis- og mentamálaráðið veit ikki um, at matchfixing er ein trupulleiki í føroyskum ítrótti.

Men mett verður, at neyðugt er at áseta reglur, sum fyribyrgja óreiðiliga ávirkan á ítróttakappingar.

Lógin fer at umfata landskappingar, altjóða kappingar, kappingar, har føroysk landslið eru við, og kappingar, sum geva atgongd til Oyggjaleikirnar ella Olympisku leikirnar. 

Hinvegin fer ásetingin ikki at umfata skúlakappingar, firmakappingar og kappingar í barna- og ungdómsdeildunum fyri tey, sum ikki eru nóg gomul til at vera við í vaksnamannakappingunum.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585