Fyrireika krav um sekt fyri brot á ramsarkunngerð

Fyrireika krav um sekt fyri brot á ramsarkunngerð
Málið kemur til viðgerðar í rættinum mánadagin og týsdagin
 
14.01.2020 - 16:00

Ákæruvaldið hevur ikki avgjørt enn, hvørja sekt, tað fer at krevja fyri at bróta ramsarkunngerðina.

Føroya rættur skal gera av, hvussu stór sektin skal vera fyri at bróta ramsarkunngerðina, tí hetta er fyrstu ferð, at kunngerðin er mett at vera brotin. 

Men ákæruvaldið hevur eitt tilmæli til rættin um støddina. Tað tilmælið er tó ikki liðugt enn.

Átta mans skulu í rættin mánadagin, tí ákæruvaldið sigur, at teir hava brotið ramsarkunngerðina. 

Tað skulu teir hava gjørt, tá teir sigldu við vatnskutara í havnini í Nólsoy 20.juli í 2018. 

Ramsarkunngerðin sigur millum annað, at frá 15. apríl til og við 31. august er bannað at sigla við vatnskutarum nærri enn 500 metrar úr landi kring Nólsoy, Skúvoy, Mykines og Mykineshólm.

Nokta seg sekar

Teir átta menninir nokta seg sekar.

Í ramsarkunngerðini stendur, at tey, sum bróta hana, verða revsað við sekt.

Vanligt er at fara í Føroya rætt, tá hildið verður, at ein lóg ella kunngerð verður brotin fyrstu ferð fyri at vita, hvussu stór sektin eigur at verða. 

Ramsarkunngerðin kom í 2017. Hon byggir á lógina um at verja havumhvørvið. 

Kunngerðin er gjørd fyri at verja fuglin í ramsaroyggjunum.

Ramsarkunngerðin og vatnskutararnir eru á rættarlistanum mánadagin og týsdagin.
 

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584