SAS biður um hjálp fyri níggju milliardir

bannari
SAS biður um hjálp fyri níggju milliardir
Korona hevur rakt norðurlendska flogfelagið meint, og higartil eru 5.000 fólk søgd úr starvi
Korona rakar SAS meint
 
15.06.2020 - 13:54

Norðurlendska flogfelagið, SAS, biður nú um níggju milliardir krónur í statsfígging úr Danmark og Svøríki.

SAS er meint rakt av koronukreppuni, og hevur sett tiltøk í verk at tillaga raksturin.

Millum annað var umleið helvtin av starvsfólkunum, 5.000 í alt, søgd úr starvi síðst í apríl, flogfør eru tikin úr rakstrinum, og ætlanirnar um at keypa nýggj Airbus-flogfør eru fyribils sleptar.

Men fíggjarliga flogið hjá SAS er framvegis tungt.

Flogfelagið skrivar í tíðindaskrivi fyrrapartin, at tað verður neyvan fyrrenn seint í 2022, at fíggjarstøðan verður á sama stigi sum fyri koronukreppuna.

SAS hjálpir við trimum millardum

Svenska stjórnin sigur seg vera til reiðar at seta 3,5 milliardir krónur í felagið. Í Danmark er stjórnin eisini sinnað at stuðla flogfelagnum, men politisk semja má finnast um upphæddina.

Bæði danski og svenski staturin eru høvuðspartaeigarar, og eiga umleið 14 prosent í SAS.

Norska stjórnin seldi sín part fyri tveimum árum síðani.

SAS hevur kortini samráðingar við norsku stjórnina um at læna pengar til raksturin.

Seinni í hesum mánaðinum fer SAS at kunngera eina langtíðarætlan fyri flogfelagið.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584