- Tíðindi, mentan og ítróttur
Trump letur vinmannin sleppa undan fongsulsrevsing
Forsetin í USA, Donald Trump, letur fongsulsrevsingina hjá vinmanni og ráðgeva sínum fella burtur.
Roger Stone er dømdur fyri sjey lógarbrot: At tarna kongress-kanningararbeiði, at royna at ávirka eitt vitni og fyri fimm ferðir at lúgva fyri kongressini.
Hann var funnin sekur í øllum ákærum og skuldi inn at sita í trý ár og fýra mánaðir. Nú er hann náðaður. Tað skrivar Reuters.
Hvíta Húsið sigur í eini stuttari útsøgn, at "Roger Stone hevur longu liðið nóg mikið, og hann varð órættvíst viðfarin í hesum málinum. Roger Stone er nú ein frælsur maður."
Stone var millum fleiri starvsfelagar hjá Trump, sum vórðu ákærdir fyri svik til valstríðið hjá Trump í 2016.
Prógv eru fyri, at Russland hevur hjálpt Trump við valinum.
Amerikanska fregnartænastan hevur funnið útav, at russiskir teldusníkar hava stolið vitan um demokratiska flokkin og valevnið Hillary Clinton, sum Stone og onnur starvsfólk hjá Trump hava bílagt og likið gjøgnum WikiLeaks.
Stone leyg millum annað fyri kongressini um at hava sett seg í samband við WikiLeaks, men tað finnast prógv fyri tí.
Amerikanska skipanin gevur forsetanum vald at náða brotsmenn. Trump hevur fleiri ferðir brúkt henda møguleikan og latið vinir og starvsfelagir sloppið undan fongsulsrevsing.