Landið rindar fyri kanningar 14 dagar aftrat

bannari
Landið rindar fyri kanningar 14 dagar aftrat
Heilsumálaráðið hevur longt sáttmálarnar við Thetis og Smyril Line um koronukanningarnar til 14. august
Fyritøkan Thetis potar fyri koronu á flogvøllinum
 
31.07.2020 - 08:40

1.august er í morgin, og tá var ætlanin, at tey, sum koma til Føroya, sjálvi skuldu gjalda fyri at verða kannað fyri koronu.

Verandi skipan, har landið rindar, skuldi halda uppat nú um mánaðarskiftið. Men hon heldur fram til 14.august, hevur Heilsumálaráðið boðað frá.

Gjaldið fyri hvørja kanning er 390 kr. á flogvøllinum og 500 kr. fyri tey, sum koma við Norrønu.

Sáttmálarnir longdir

Heilsumálaráðið hevur longt sáttmálarnar við Thetis og Smyril Line um koronukanningarnar til og við 14.august.

Heilsumálaráðið sigur, at tey, sum koma til Føroya, eiga at fara beint í heimauppihald, til tey hava fingið svar upp á kanningina. 

Vanliga kemur svarið sama kvøldið og í seinasta lagi á middegi dagin eftir. 

Seks milliónir aftrat

Fíggjarnevndin játtaði tann 9.juli seks milliónir krónur til koronukanningarnar eftir 10.juli. Sagt varð, at tær seks milliónirnar vóru til kanningar í tríggjar vikur.

Men Kaj Leo Holm Johannesen, landsstýrismaður, segði tá, at pengarnir helst fóru at røkka nakrar dagar inn í august. 

Er kopiera
Nýggjastu sendingar í ÚV
Týsdag 23. apríl
LEITISSTEIN 23.04.2024 (Óli Poulsen)
174142
Týsdag 23. apríl
Breddin: Tilfeingisgjald og Orkukeldur
174104
Týsdag 23. apríl
Góðan morgun Føroyar
174099
Týsdag 23. apríl
Morgunlestur týsdagur 23. apríl 2024
173491
Mánadag 22. apríl
Mín síðsta deadline (1:6)
174044
Nýggjastu sendingar í SV
Týsdag 23. apríl
Veðrið
174126
Týsdag 23. apríl
3-2
174101
Týsdag 23. apríl
Dagur og vika við 3-2 - teknmálstulkað
174098
Sunnudag 21. apríl
Andakt við Sólrun Poulsen
174012
Sunnudag 21. apríl
Guðstænasta úr Hoyvíkar kirkju
174010