Royna aftur at hjálpa flogvinnuni

31.07.2020 - 11:16
AktueltPolitikkur
Royna aftur at hjálpa flogvinnuni
Uppskotið, sum datt burtur, er í listanum yvir løgtingsmál, sum landsstýrið ætlan at leggja fram.
Uppskotið, sum datt burtur, hevði ítøkiliga givið Atlantsflogi 12 milliónir kr. úr landskassanum um árið
 

Hóast undirtøka ikki var í samgonguni í vár, verður uppskotið um at hjálpa flogvinnuni fíggjarliga lagt fram aftur.

Uppskotið er í løglistanum, sum varð lagdur fram ólavsøkudag.

Uppskotið kom í vár, og var tá partur í hjálparpakka tvey.

Fyrsta viðgerð var í tinginum 23.apríl.

Men uppskotið kom ikki aftur úr Fíggjarnevndini, og datt tí burtur á ólavsøku.

Hevði ikki undirtøku

Formaðurin í Fíggjarnevndini, Magnus Rasmussen í Sambandsflokkinum, segði, at uppskotið hevur, sum tað var orðað tá, ikki politiska undirtøku.

Sambært lógaruppskotinum skuldu flogfeløg, sum eru skrásett í Føroyum, fáa endurrindað 35 prosent av lønunum til flogskiparar, stýrimenn og flogternur í flogfeløgum og tyrlum.

Ítøkiliga hevði uppskotið givið Atlantsflogi 12 milliónir krónur úr landskassanum um árið.

Í samgonguskjalinum stendur, at "møguleikarnir verða kannaðir at gera eina FAS-líknandi skipan fyri flogferðslu."

Tað kanningararbeiðið er ikki gjørt enn, segði Magnus Rasmussen við Kringvarpið 2.juni.


 

 
Nýggjastu sendingar í ÚV
Hósdag 21. januar
RagnarRokk 21.januar 2021
119127
Hósdag 21. januar
Hanus Kamban er gestur í Dansivali (2:2)
119140
Hósdag 21. januar
Breddin
119254
Hósdag 21. januar
Mono
119237
Nýggjastu sendingar í SV
Hósdag 21. januar
Millum heimsins bestu bodybuildarar
119256
Mikudag 20. januar
Jørðin II 1 - Oyggjar
119181
Mánadag 18. januar
3-2
119108
Sunnudag 17. januar
Andakt við Jens Bech
119046